كريستينا حبيبتي الجزء السادس

الجميع كانوا يرقصون سعداء تناول الجميع الحلويات التي اشترتها كريستينا وعندما سأل خالداذا كانت كريستينا هي من اعد الحلويات كان وسام هو من اجاب :- لا انكل خالد كريستينا ما بتحب تطبخ .
وبعد ان شربوا واكلوا فتحت كريستينا احدى الاغاني الاجنبية الهادئة فاتحة المجال للرقص والد كريستينا رقص مع زوجته وليندا رقصت مع باسل وكريستينا رقصت مع خالد اماساندي فقد رقصت مع والدتها اما وسام فكان جالسا يتناول الحلوى
الجميع سعداء شعرت كريستينا وهي ترقص مع خالد بأنها شخصا اخر كانت تسمع دقات قلبها حاولت جاهدة ان لاتجعله يشعر بذلك ولكن دون جدوي فيداها تزداد بروده وعيناها تحاول ان تهرب من نظراته التي تحرقها قررت ان تتركه قبل ان يكتشف امر حالها افلتت يده قائلة :- سوري استاز خالد بدي اروح .وتجري هاربه الى الحمام
ينظر اليها خالد مستغربا فقد كانت قبل قليل ترقص معه سعيده شعر هو ايضا بالفرح عندما رقص معها هذه اول مرة يشعر بها بميل نحو امراة بعد خروجه من السجن الذي جعله ينعزل عن النساء خوفا من ان يرتبط بفتاة فيتزوجها فتنجب له اولادا يرتبط مصيرهم بمصيره المحكوم عليه بالاعدام شعر بالحزن بعد ان تركته وذهبت الى الحمام ظل يتامل الجميع وهو يرقصون بسعاده حسدهم في سره واغمض عينيه فتره وجيزه وذهب يجلس بجانب وسام
خالد :- ايه وسام في أي صف انت؟
وسام :- رابع.
خالد :- شو بتحب تعمل بالحياة.
وسام:- العب .
خالد :-بس ماعندك هوايات؟
وسام :- امبلى
خالد :-شو هي ؟
وسام :- العب ؟
خالد :- ايه عرفت انك بتحب تلعب قلي شو هي هواياتك اقصد بتحب تسبح تجري ترسم تكتب .
وسام :- ايه بحب اسبح وبحب اجري وبحب اكتب وبحب ارسم .
يبتسم خالد قائلا:- كل هدول طيب تحب تتفرج على التيفي ؟
وسام :- لا.
خالد :- طيب مين اكتر واحد بنحبه في عيلتك ؟
وسام:- الماما والبابا وكريستينا وباسل وليندا .
خالد :- بتحب كريستينا؟
وسام :- ايه.
خالد :- شو عم تعلمك كريستينا ؟
وسام :- هي بتزاكر لي وقت الامتحان بس هي مابتحب تلعب معي متل باسل انت بتحب تلعب سيجا؟
خالد :- لا .
وسام :- استاز انت عند ك شعر كتير بايدك ليه مابتشيلهن ؟
خالد :- هيك لان الرجال مابشيل شعر .
وسام :- كريستينا عندها شعر كتير اناشفتها عم تشيلهن .
خالد :- يالطيف وين ؟
وسام :- بأيدها عندها شعر بأيدها وهي مش رجال .
يبتسم خالد قائلا :- لا وسام مافيك تحكي هيك عن أختك قدام حدا بعدين بيقولوا عنك انك رغاي كتير .
وسام :- ليه ممكن تشرح لي ؟
خالد :- وسام الواحد فينا ازا شاف شي مش على طول يروح يحكي عن كل اللي شافه لازم مايحكي .
وسام :- ليه؟ عيد بدي افهم ؟
خالد :- وسام حبيبي لازم انت لما تشوف شي ماتروح تحكيه دغري هيدا أسرار عيلتك لازم تحتفظ فيها ماتقولها لحدا مهما كان اوكيه حبيبي
وسام :- حاضر مش راح احكي هيدي اخر مره .
خالد يبتسم قائلا :- شطور وسامو شو بنحب تغني ؟
وسام :- بحب اغني بابا فين بابا هنا أقوله مين أقوله عموه .
خالد :- ايه كمل الغنية .
وسام :- نسيت بقيتها .
بعد ليله حافلة ودع الحضور العائلة متمنين لهم ليلة سعيدة.
في غرفة كريستينا كانت كريستينا تتذكر لحظاتها رقصهامع خالد اغمضت عينيها لدقائق ورقصت شعرت بسعادة عارمة تغمرهاولكنها فجاة توقفت وفتحت عينيها وقالت لنفسها :- اوف مش راح اتعلق فيه .
في شقة دياب كان دياب يستمع الى اغنية هاني شاكر الحب التاني كانت الدموع تتساقط من عينيه تدخل اخته سهيله اليه قائلة :- دياب حرام عليك نفسك لأمتى رح تضلك هيك .
دياب :- شو بدك مني ؟
سهيلة : البنت هاي جننتك يااخي عيش حياتك روح اظهر حب فيه مليون واحدة تتمناك .
دياب :- سهيلة ومين قلك اني ماعم اظهر اليوم اتعرفت على واحدة بتأخد العقل .
تبتسم سهيلة قائلة :- عن جد عم تحكي امتى التقيت فيها شواسمها مين عيلتها.
ديا ب يبتسم قائلا:- اليوم واسمها ليندا .
تزغرد سهيلة وهي تقول :- انا اليوم اسعد واحدة بالدني واخير ا خيي حبيبي عم يحب وراح يتزوج قلي امتى راح تعرفني عليها .
دياب يرد باقتضاب :- قريب ان شاء الله .
في الصباح وفي جامعة ليندا خرجت ليندا من قاعة المحاضرات مع زميلة لها ترفع ليندا رأسها فتنظر الى دياب واقفا امامها ينتظرها تعتذر ليندا من زميلتها وتذهب للحديث مع دياب
ليندا :- هاي
دياب :- هايين كيفك ؟
ليندا :- منيحة وانت كيفك سافا؟
دياب :- سافا .
ليندا :- عصام صح .
دياب :- ايه شو رأيك نتمشى شوي ؟
ليندا:- اوكيه .
دياب :- فكرتي ؟
ليندا تبتسم خجولة قائلة :- بصراحة لا.
دياب :- ليه انسة ليندا ؟
ليندا :- انت عارف ان هاي مواضيع لازمها دراسة .
دياب يبتسم قائلا:- ليه هيدا مش مشروع .
ليندا :- امبلى هيدا مشروع لازمه معرفة اولا وبعدين قرار احنانتخذه اتنيناتنا.
دياب :- عادي بدك تعرفيني يعني ؟
ليندا :- طبعا لازم وانت كمان لازم تعرفني تدرس طباعي وبعدين بتقرر هل هي بتناسب طباعك .
دياب :- ايه شو علينا براحتك بس شو بتحبي تعرفي عني ؟
ليندا :- كل شي تقريبا واناراح احكي لك كل شي عني شو رايك ؟
دياب :- حلو كتير راح اقلك اناشاب ثري وارث عن امه وبيه مصاري كتير بحب الجمال وبقدسه ارتبط مره بتجربه عاطفيه وفشلت طبعا الغلط كان منها هي تركتني لانها شافت واحد اغنى مني شفتك انبهرت فيكي سألت عنك بالكليه قالوالي بنت بتجنن خلقا وخلقا حبيتا تعرف عليكي لحتى اخطبك واتجوزك .
ليندا :- بس
دياب :- ايه بس شو بدك تعرفي ؟
ليندا :- ماقالو الك اني بنت معوقة ما لاحظت ايدي ؟
ينظر دياب الى يدها اليسرى يسكت برهه من الزمن ثم يقول :- شو امتى حصل لك هيك ؟
ليندا :- هاي حادث سيارة .
دياب :- سوري
ليندا :- وهلق شو رايك لسه بدك تتعرف علي وتخطبني ؟
دياب :- ايه عادي ليه مفكره انني لما اشوف ايدك راح اهرب انسه ليندا لازم تعرفي ان أي انسان معرض لاي شي
ليندا:- بس الرجال بيحبوا المرة تكون كاملة ما ينقصهاشي .
دياب :- انتي غلطانة كتير مش كل الرجال انا عن جد بدي اتعرف عليك انتي انسانه حبابه كتير وحلو ة كتير وشيل فكرة انك ست ناقصة .
ليندا :- غريبة
دياب :- شو الغريب في الموضوع ؟
ليندا :- حكيك بيشبه حكي اختي كريستينا كاني باسمعها هي مش باسمعك .
في مكتب خالد كان خالد يقرا في الملف الذي اعدته كريستينا عن العملاء المتعاملين مع المكتب فجاة وبدون سابق انذا ريتصل بكريستينا قائلا :- انسة كريستينا ممكن اشوفك حالابمكتبي .
يضع سماعة الهاتف وبعد قليل تدق كريستينا وتدخل نظر خالد اليها محاولا اخفاء غضبه
خالد :- ست داون
كريستينا :- شو خير ؟
خالد يبتسم بهدوء قائلا :- ولاشي بس كم غلطة حبيت اصلحهن معك
كريستينا تنظر بارتباك اليه قائلة :- شو هي الغلطات ؟
خالد :- اولا المقدمة مكتوب في الورقة نمبر ون حضرة الاستاذة احمد المحترم عادي هاي راح نمرقها الورقة التانيه نريد ان نخبركم اننا قد انتهينا من عمل دعاية مغرضة لكم ليه هو مكتبنا متخصص في الدعاية المغرضة
تنظر كريستينا اليه باستغراب :- غريبه شو جاب كلمة مغرضه ياويلي استاز هيدامن كتر التفرج على الافلام سامحني استاز خالد بدأت اخلط بين الافلام والواقع الفيلم كان اسمه دعايه مغرضة.
خالد :- اوكيه لبقى تقعدي تتفرجي على افلام كتيربعدين تصيري بطلة وتعيشي الدور انسة كريستين حاولي تكوني مركزة اكتر بليز .
كريستينا :- حاضر استاز هاي الغلطات مش راح تتكرر عن ازنك .
تخرج كريستينا من المكتب وتصفق الباب ورائها
ساندي تتحدث اليها من خلف الكمبيوتر التي كانت تعمل عليه :- ايه شو قلك المدير ؟
كريستينا :- ولاشي بس قلي اني غلطت بمحلين .
ساندي :- شوهن ؟
كريستينا:- كتبت حضرة الاستاذة احمد المحترم والمحل التاني كتبت فيه دعايه مغرضه
ساندي :- وزعق لك والله عنده حق .
كريستينا :- بصراحة ساندي انا طلعت لئيمة وعملت هدول الغلطين عمدا من شان يعصب بدي انتقم منه بس هو ماعصب اليوم كان رلكس كتير .
ساندي تضحك قائلة :- يابنت الذين حرام عليكي تعصبي الاستاز خالد هو طيوب كتير قال دعايه مغرضة شو هيدا ؟
تضحك كريستينا قائلة :- قلت له ان هيدا اسم فيلم وهو سدق ههههههههاي طلع مغفل رسمي .
وقبل ان تكمل جملتها كانت ساندي مشدوهة تنظر الى الرجل الواقف امامها كان هوالاستاذ خالد والذي كان يستمع الى ما تقوله كريستينا
خالد يسأل قائلا :- مين هيدا المغفل الرسمي انسه كريستين .
تنظر كريستينا اليه وقد اربكها الموقف قائلة :- استاز خالد مافيش داعي تطردني انا راح انطرد لحالي راح اكتب استقالتي هلق .
بعد ذلك اجتمع خالد مع سكرتيرته ليلى يعطيها ظرفا فيه مال قائلا لها:- انسة ليلى خدي هاي الظرف .
تأخذ ليلى الظرف متسائلة :- ظرف ليه شو فيه هيدا الظرف ؟
خالد :- فيه الف دولار اعطتني اياه انسة جودي لحتى اوصله ليكي .
ليلى ترتبك قائلة :- معقولة
خالد :- ايه وقالت لي هيدا ثمن غيابك هديك اليوم انسة جودي حكت لي عن كل شي بيناتكن
ليلى ترد بحدة :- الوسخة انا تعاونت معها وهي تروح تحكي استاز خالد ماتسدقها هي اللي اجبرتني
خالد :- فكرتك ازكى من هيك انسة جودي ياانسة ليلى ما حكت شي بس انا اللي عرفت لحالي وهلق اتأكدت انك عم تتجسسي علي ماهيك؟
ترد ليلي :- بليز استاز خالد ماتطردني انا بحاجة للمرتب اللي عم تعطيني اياه كيف هلق بدي اصرف على امي واخواتي .
خالد :- خلي انسة جودي تصرف عليهن اناماخصني روحي وهدول كمان الفين دولارمن عندي مكافأة نهاية خدمتك عندي ولابقى تفرجيني وشك بعد اليوم ولولا العيب كنت عرفت اتصرف معاكي يلا .
في المساء وفي فيلا جوزيف كان الجميع مجتمعين يشاهدون التلفاز
ليندا :-بس قرفت ياباسل مين ساعتين وحضرتك ماسك الريموت وعم تتفرج على قناة m
تعبت من مشاهدة افلام العنف تبعك
كريستينا :- وازا بده يغير يروح يفتح مسلسلات اكشن وازا مل يفتح قنوات الطرب الاجنبي
باسل :- بطلوا تحكوا انتو التنتين ازا ما عجبكن روحوا اتفرجوا في غرفكن
كريستينا :- هاي تيفي العائلة ياشاطر لازم انت تروح تتفرج على التيفي تبعك وتتركنا نتفرج اللي بدنا افتح شي برنامج او مسلسل هيك نتسلى
باسل :- ياعيني بدكن افتح الكن مسلسل تركي تقعدوا تتفرجوا عليه ماسدقنا خلسنا من المكسيكي حتى هجم علينا التركي شوفو ا المسلسلا ت الغربيه شوفوا القصة شو حلوة .
ليندا :- حلوة مين ساعة وانا عم اتفرج على ضرب عنف دم شو هيدا الحمدلله اللي وسام مو صاحي والاكان خاف مين هيدي المناظر.
كريستينا :- والله عندك حق ليندا الاطفال هن اكتر شي بيتاثروامن هيك افلام هاي الافلام في رأيي اخطر من افلام الجنس لانها عم تعلم الطفل كيف بيكون عنيف شو رأيك بابا.
الوالد جوزيف :- عندك حق ياكريستينا بس شو نعمل باسل اترك هاي التيفي وازا بدك روح اتفرج على التيفي بغرفتك الحياة مش ناقصها رعب بيكفي العالم كيف عايش بحروب ودما ر بدهن نزيد فيها رعب .
ينظر باسل بغضب الى ليندا وكريستينا قائلا :- عجبكن هيك ارتحتوا هلق
الام:- يلا باسل حبيبي ازا بدك تكمل تتفرج على الفيلم تبعك روح غرفتك .
يترك باسل الريموت كنترول غاضبا ويذهب الى غرفته .
في الصباح كانت كريستينا تعمل مع ساندي في المكتب
ساندي :- كريستينا سدقيتي بدي اخبرك شي رح يخليكي تطيري من الفرح .
تنظر كريستينا الى ساندي باهتمام قائلة : خير شو فيه فرحيني
ساندي :- انا خطبت وعرسي بعد شهر .
تنظر كريستينا الى ساندي باستغراب قائلة :- خطبتي امتى وليه ماقلتي لي ؟
ساندي :- سدقيني الموضوع كله صار فجاة ابن خالتي اللي عايش بامريكا اجا على بيروت وكان بده يخطب ويتزوج شافني وحكا معي بعدين اتقد م وهيك صارت الامور بسرعة .
تبتسم كريستينا قائلة :- مبروك ساندي قعدتي معه حكيتي معه عرفتي كيف عم يفكر درستي طباعه ؟
ساندي :- ايه بس مرات قليل قعدت وحكيت معه شفت انه ادمي طيوب كتير وبينحب .
كريستينا :- مبروك سوسو الله يسعدك ويوفقك وان شاء الله تتهني
ساند ي:- عقبالك حبيبتي نحن السابقون وانتم اللاحقون بس صمم اني اترك الشغل واسافر معاه بعد ما يخلص اجراءات معاملة السفر وهيك .
كريستينا :- اكيد ماهو عايش بامريكا يعني بدك يتزوجك ويقعدك هون وهوعايش هنيك .
ساندي :- ايه وازا فتت على امريكا وعدني راح يحاول يعمل فيزة لامي وتيجي تقعد معي هنيك
كريستينا :- لازم طنط احلام تعبت من شانك ولازم ماتتركيها حبيبتي .
ساندي :- انا هيك فكرت وهو موافق على كل شروطي .
كريستينا :- طيب وعيلته وين عايشه ؟
ساندي :- كمان بامريكا بس هو مستقل بحياته بيعملوا زي الامريكان .
كريستينا :- اوكيه وازا بدك اي مساعدة انا جاهزة الكوافير خليها علي انا بيتعامل مع كوافير كتير شاطر راح اخليه هو اللي يزبطك .
ساندي :- هههاي ضحكتيني كوكو ميرسي كتير كوكو بدي اقلك شي بدي اعمل عملية تجميل لتمي حاسته رقيق كتير شو رايك اروح انفخه قبل العرس .
كريستينا :- بدك تعملي عملية تزبيط لتمك هههههههههاي والله اانا شايفة ان تمك حلو ومش بحاجة لعمليه رح تتغير ملامحك حبيبتي .
ساندي :- هيك قولك
كريستينا :- ايه حياتي وهلق شو بدك مساعدة ؟
ساندي :- بدي اروح احجز لي فستان زفاف وبدي احجز لي قاعة وبدي اعمل لي شويه رياضة لاني حاسة اني تخنت كتير الفترة الاخيرة وبدي احجز لي على فرقه هيك تكون حلوة .
كريستينا:- اوف اوف كل هدول طيب لازم نرتب على واحدة واحدة اول شي ندور على قاعة مناسبة ثانيا ندور على الفرقة ونحجزها وثالثا الفسطان والاسبور اكيد راح نلاقي محل .
ساندي :- اوكيه .
تقوم ساندي وتقبل كريستينا قائلة :- سدقيني راح اشتاق لك كتير انا بحبك كتير كوكو .
بعد ذلك تبكي .
تنظر كريستينا الى ساندي وتقول وعيناها تمتلئ بالدموع :- بليز ماتبكي هاي حال الدني ما تخربي فرحتك بالعريس اكيد راح تجي وراح نلتقى وبعدين هلق فيه نت راح اكون كل يوم احاكيكي بالايميل وتحكي لي واحكي لك عن كل شي عم يصير معنا.
بعد ذلك تبكي كريستينا قائلة :- شفتي قلت لك راح تخربي فررحتك .
بعد ذلك تتعانق الصديقتان .
بعد ذلك يرن جهاز الهاتف في المكتب ترد كريستينا
كريستينا:- الو – استاز خالد – طيب رح اجي حالا
ساندي :-شو بده ؟
كريستينا :- مابعرف رايحه اشوف هلق.
تدخل كريستينا الى غرفة الاستاذ خالد
كريستينا:-بنجور استازخالد شوبدك ؟
ينظر خالد الى كريستينا قائلا:- بنجور هيك بسرعة بدك تعرفي اقعدي بالاول .
تجلس كريستينا قائلة :- اوكيه .
خالد :- بس كان بد ي اقلك ان ليلى تركت الشغل امبارح وبدي اياكي تقعدي محلها شو رايك ؟
تتساءل كريستينا :- تركت الشغل ليه ماخبرتنا؟
خالد :- هيك عندها ظروف هلق شو قلتي ؟
كريستينا:- ماعندي مانع بس
خالد :-شو بدك تقعدي تشتغلي مع ساندي بسيطة راح انقل مكتب ساندي حدك .
كريستينا:- مافي داعي كمانا ساندي راح تترك .
خالد :- ليه ؟
كريستينا:- انخطبت وراح تتجوز وتسافر على امريكا مع جوزها
خالد :- انخطبت والله فرحت لها بس راح نشتا ق لها ساندي صبيه مهضومة وطيوبة كتير
تتنهد كريستينا قائلة :- ايه الله يوفقها
خالد ينظر الى كريستينا قائلا :- عقبال العزابيه ؟
كريستينا :- مابدي ؟
خالد يسالها مستغربا:- ليه انتي صبيه حلوة وطيوبه ؟
كريستينا تنظر الى خالد بحيرة هذه اول مره يصارحها بهذا الكلام فمنذ بداية عملها معه والى اليوم لم تسمع منه هذا الاطراء الذي سلب احساسها سألت نفسها :- ياترى ماالذي غيره هل بدأ يفكر بها بطريقة مختلفة عن السابق يعيدها خالدمن تفكيرها اليه قائلا:- انسة كريستين انتي مارديتي على جوابي ؟
كريستينا:- بصراحة سؤالك فاجاني انا ممكن استاز خالد اروح بدي اقعد مع ساندي لأنها كانت تحكي معي في موضوع مهم .
خالد :- اوكيه ومن بكره تاعي استلمي شغلك مكان ليلى اوكيه .
كريستينا :- اوكيه عن ازنك .
تذهب كريستينا الى ساندي وتبادرساندي متسائلة :- ليه تاخرتي شو كان بده اياكي المدير؟
كريستينا:- قال بده اياني اشتغل محل ليلى عندك فكره ان ليلى تركت الشغل ؟
ساندي :- نو اول مره اسمع منك هاي الحكي ليه تركت ليكون بدها تتجوزهي الاخرى.
كريستينا:- ماعندي أي فكره متلي متلك يلا يمكن عندها ظروفها شوفي بعد الشغل نروح انا وانتي ندور على قاعة اوكيه .
ساندي :- اوكيه وهلك راح تخبريهم .
كريستينا :- ايه لازم نروح انا وانتي على شي محل نتغدا فيه بعدين نروح ندور على قاعة اوكيه
ساندي :- اوكيه حياتي الله لايحرمني منك كان بدي ارو ح انا والعريس بس هو مشغول كتير بشغله قال لازم ادبر حالي خلال شهر .
كريستينا:- ماتعتلي هم اناحدك اوكيه .
في الايام التاليه استلمت كريستينا عملها الجديد محل ليلى وبدات تعمل مع مدير مكتبها خالد كسكرتيرة لم يفتح لها الاستاذ خالد أي سيرة كانت تتوقع منه ان يكون اكثر جرأة في طرح موضوع الارتباط او الزواج كما لمح لها ذلك اليوم لكنه عاد الى جديته صحيح ان معاملته لها تغيرت نوعاما الى الافضل ولم يعد يسخرمنها او يقسو عليهاكما السابق ولكن الجديه في العمل مازال هو الحاجز الذي يعيق نمو علاقتهما تسأل نفسها :- شو اللي بيخلي الاستاز خالد هيك يتعامل معي بها ي الجديه هديك اليوم لما لمح لي وقال لي اني حلوة وطيوبه كان اسعد يوم في حياتي رغم اني بخاف من اني امر بعلاقه تانيه بخاف يحصل لي متل اللي حصل لي مع دياب الله لايسامحه وين ماكان .
كان دياب مع ليندا يتحدثان في احد ى المطاعم برومانسيه
دياب :- شو رايك بهايدا المطعم ان شاء الله عجبك
تنظر ليندا الى المطعم قائلة :- امبلى حلو كتير عارف هاي اول مره بخرج فيها مع شاب.
دياب :- تقصدي اني اول شاب تتعرفي عليه ؟
ليندا :- ايه ياعصام بصراحة لو اشرح لك شو عم يحصل لي هلق .
دياب ينظر اليها ويبتسم متسائلا:شو ؟
ليندا :- قلبي عم يرجف وحاسه حالي بردانه شوي وايدي عم تبرد وحاسه هيك اني اسعد مخلوقه بالعالم كله بدي هيك اطير .
دياب :- هييي يعني انك عم تحبيني ما اسعدني بهيك خبر وانا قلك شو حاسس هلق ؟
ليندا :-شو ؟
دياب :- حاسس حالي اني بدي اوقف واسرخ واقول شو هاي الصبيه الحلوه هاي هي حبيبتي واللي بده يصير يصير.
ليندا تضحك قائلة :- لا لخبطتني مش عارفه احكي شوكان بدي اقول نسيت ؟
دياب :- كان بدك تقولي بحبك اقول بحبك كي تزيد وسامتي ؟
في فيلا جوزيف كان باسل و وسام يلعبان كالعادة وكالعاده ينتصر وسام فيقوم باسل بنزع سلك اللعبه من فيش الكهرباء .
وسام يصرخ بحدة :- انت واحد جبان اول ماتحس حالك راح تنهزم تروح تنزع الموصل مش راح العب معك تاني جبان .
باسل :- شوف عيب هاي الحكي راح اخبر الماما والبابا انك عم تسب
وسام يصرخ قائلا :- انا عم اسب ياباسل يا فار روح اقول للماما والبابا انك فار بتخاف تنهزم .
باسل :- شتب وعيب هاالحكي .
وسام :- ايه عيب لكن انت عم تغالط كتير هاي خامس مره تعمل هاي الحركة ازا انت مش قد اللعب بتلعب ليه بتخاف تنهزم .
باسل :- وسام انا طلعت معي لهون لمناخيري منك ممكن تخرس انا جبان وفار اوكيه ارتحت هيك .
وسام :- رحم الله امرءا عرف قدر نفسه .
ثم يخرج غاضبا من الغرفة ينظر باسل اليه مستغربا وهو يقول :- عجيب مين بيجيب هاالحكي .
بعد انتهاء دوامهافي المكتب كانت كريستينا تخرج مع صديقتها ساندي لترتيب حفل الزفاف وبعد انتهائهن من حجزالمطلوب تبقى الفستان كان على كريستنيا مرافقة صديقتها الى المحلات للاختيار لكن ساندي لم يعجبهااي فستان وبعد خروجهن من احدى المحلات تقول كريستينا :- ساندي بصراحة انا حبيت اعرض عليكر فكره لفسطان عرس لكن
تقاطعها ساندي قائلة :- قوللي يمكن تعجبني هاي خامس محل نفوته وما يعجبني شي قوللي .
كريستينا :- شو رايك تلبسي فسطان مش ابيض بصراحة الابيض صار ممل شو رايك تلبسي فسطا ن هيك يكون لونه بلون السماء .
ساندي :- كل الفسطان يكون لونه ازرق فاتح ؟
كريستينا:- لا راح يكون ممل شو رايك تخلي الطرحه زرقاء والصدر ازرق والباقي ابيض شو رايك ؟
ساندي :- والله عجبتني الفكره بس مين راح يخيط الفسطان بمدة اقل من شهر .
كريستينا :- اكيد راح اتصل بسامي وهو راح يدلنا.

مرت الايام بسرعة وفي يوم عرس ساندي قررت عائلة كريستنيا كلها الذهاب للعرس ارتدت كريستينا فستانا قصيرا ذهبي اللون بينما ارتدت ليندا فستانا زهري اللون دخلت العائلة القاعة مع المدعوين بعد ذلك بنصف ساعة حضرت العروس مع عريسها دخلت بزفة قدمتها احدى الفرق الشعبية الجميلة في بيروت شعرت كريستينا بسعادة غامرة حتى دمعت عيناها .
لاحظت كريستينا وجود خالد كان جالسا مع احدى المدعوين يتحدث معه التفت اليها وابتسم لها بعد ذلك قام من مكانه وذهب يسلم على عائلة كريستينا مرحبا بهم وبحضورهم .
قامت كريستينا من مكانها وذهبت تسلم على صديقتها قائلة لها :- مبروك حياتي ماشاء الله خزاة العين بتجنني
ساندي :- كله بفضلك كريستينا تسلمي لي حبيبتي .
بعد ذلك تعرف ساندي زوجها على كريستينا ظلت كريستنيا تراقب خالد من حين لاخر انتبه لذلك وقام يدعوها للرقص معه ابتسمت له وقامت تلبي الدعوة لاحظت ساندي ذلك وابتسمت .
بعد انتهاء الحفل عاد الجميع متأخرين الى منزلهم يبدا وسام الكلام قائلا :- خلص انا قررت ما اروح عرس حدا حاسس حالي . تعبان كتير .
يرد باسل قائلا:- لاتروح اقعد زاكر هلق كيف بدك تروح على المدرسة .
وسام :- انت ماخصك رح اكون اروح كل الاعراس انت اقعد زاكر .
يلتفت باسل الى والده قائلا :- شايف بابا لسانه صار طويل .
الوالد :- وسام حبيبي لازم تحترم باسل لانه اكبر منك اوكيه حبيبي .
وسام :- حاضر بابا وهلق انا رايح نام .
الام :- يلا حبيبي وانا جاية هلق .
في الايام التاليه كانت كريستينا تذهب الى عملها كالمعتاد كانت تشعر بالحزن بعد زواج صديقتها وفي احدى الايام كانت كريستينا تستمع الى اغنية فيروز ياطير تذكرت صديقتها ساندي وضعت يدها على خدهافدمعت عيناها فجأة يخرج خالد من المكتب وظل يتامل كريستينا التي كانت تبكي سأل نفسه :- بدي اعرف على مين بتبكي كريستينامين واخد عقلك؟
لم تلاحظ كريستينا وجود خالد والذي عادالى مكتبه واغلق الباب برفق .
اشتدت الازمة بين اسرائيل وحزب الله وفي نهاية الامر قامت اسرائيل بضرب لبنان بالصواريخ والقنابل وتعرض المطارلضرب من قبل القوات الاسرائيلية كانت كريستينافي ذلك اليوم في عملها تتحدث مع خالد عن احدى التصاميم فجاة يسمع الاثنان صوت دوي انفجار شديد .
تتجمد كريستينا من هول المفاجأة تنظر الى الرجل الواقف امامها قائلة بخوف:- يالطيف شو حصل هيدا صوت انفجار .
خالد يطمئنها قائلا:- ماتخافي رح نعرف هلق شو الاخبار .
يتصل خالد بأحداصدقائه والذي يخبره بان اسرائيل قامت بشن غارات على لبنان وضربها بالصواريخ .
يغلق خالد موبايله قائلالكريستينا :- الكلاب اسرائيل عم تضرب المطار.
في هذه الاثناء يسمع الاثنان صوت صفارت انذار الطوارئ يرتفع في كل ضواحي بيروت واصوات سيارة الاسعاف تدوي في شوارع المدينه.
تجلس كريستينا على المقعد قائلة :- ياويلي شوراح نعمل هلق .
خالد :- ماتخافي اناحدك.
كريستينا:-هلق بدي اتصل باهلي بدي افل على بيت اهلي اناخايفة عليهن كتير .
تذهب كريستينا لاحضار جهاز تلفونها الخاص من حقيبتها
خالد :-فيكي تتصلي من هون .
كريستينا:- ماني حافظة الارقام لازم اتصل على الكل .
تتصل كريستينا بوالدها ووالدتها والذي اخبرهاانه في المنزل مع باسل ووسام وانهم قلقون جدا عليها وعلى ليندا وانه حاول الاتصال بها ليطمئن عليها ولكنها لم تردتحاول كريستينا الاتصال بليندا لكن خط ليندا كان مشغولا.
كريستينا:- استاز خالد بدي اروح هلق .
خالد :- مابتقدري انتي بتسمعي صوت صفارات الانذارمافيكي تفلي هلق لما يهدئ الجو شوي راح اوصلك بسيارتي .
كريستينا:- لا لازم افل هلق تعى معي مافيك تقعد لحالك .
خالد يطمئن كريستينا قائلا:- لا لازم تقعدي لحتى يهدئ الجو شوي وبعدين بنفل اتنياتنا.
تتنهد كريستينا قائلة :- اوكيه .
تعيد كريستينا الاتصال بليندا فترد عليها ليندا انها مازالت في الجامعة مع زملائها وتخبرها انها لم تستطع الخروج .
ظلت كريستينا في المكتب مع خالد طيلة خمس ساعات متواصلة شعرت كريستينا فيها بتوتر شديد اتصل فيها والدها خمس مرات ليطمئن عليها لاحظت ان بطارية تلفونها بدات تنقص
كريستينا:- استاز خالد عندك شاحن بدي اشحن موبايلي .
خالد :- لاللاسف بعدين ماعندي شاحن لنوعية موبايلك .
يلاحظ خالد قلق كريستينا فيقول لها :- انسة كريستين فيكي ترتاحي شو بكي
كريستينا :- مش عارفة حاسة بقلق شديد خايفة على اهلي على بلدي على كل شي لبنان ما بيستاهل اللي بيحصل له الحقراء اليهود امتى العالم راح يرتاح من مصايبهن.
ينظر خالد الى كريستينا ونظرة حزن تسيطر على عينيه فيرد قائلا:- عندك حق امتى العالم راح يرتاح من بلاويهن لبنان مابيستاهل .
تتساقط الدموع من عيون كريستينا والتي تقول :- ليه يارب هيك يارب ارحمنا شو راح يصير فينا؟
نظرخالد الى كريستينا والتي كانت تبكي شعر بدوارو بالم شديد يعتصر قلبه رغب في ذلك الوقت ان يبكي بشده وان تعانقه كريستينارغب في ان يبوح لها بكل شي اراد ان يزيح هذا الكاهل عن صدره والذي ظل يتحمله لسنوات .
اخيرا وقفت صفارات الانذار يمسك خالد يد كريستنيا الباردة قائلا لها :- يلا حبيبتي لازم اوصلك هلق لبيت اهلك .
كلمة حبيبتي جاءت في غير وقتها لاحظ خالد بأنه نطق هذه الكلمة دون تفكير نظرت اليه كريستينا بحزن شديد ارادت ان تسأله ماذا يقصد بكلمة حبيبتي لكن الظرف لايسمح بذلك .
ركبت كريستينا السيارة مع خالد قائلة له :- طيب وسيارتي رح اتركهاهون ؟
خالد :- لاحقين عليها هاتي مفاتيحها لعندي ورح اجيبهالك في اول فرصه ممكنه.
كريستينا :- اوكيه .
تسيطر لحظات سكوت على كريستينا وخالد وبعد ان يمشوا نصف المسافة يسمع الاثنان صوت انفجار جديد ورجوع صوت صفارات الانذارتتوقف سيارة خالد والذي يبادر قائلا :- مافينانمشي اكتر من هيك شقتي قريبه شو رايك ؟

يسلموا ايديك