الاصول بتقول

مساء الخير والحب والسعادة عليكم واهلا بيكم في صفحتي المتواضعة
اليوم عايز من كل عضو يشرفني بالدخول يكتب مقوله او مثل شعبي ببلده مرتبط بالاصول والعادات وخاصة حبيبتنا كلنا مروي عايزها تقدم اكبر مشاركه من امثالها المشهورة
‏
وانا راح ابتدي واقول الاصول بتقول :
اكرام الضيف واجب
والنبي وصي علي سابع جار
يلا مين راح يبدأ بالمشاركة مستني ردودكم
بحبكم

موضوع راااااااااااااااااااااااائع ياغالللللللللللي

مرحبا باليي جا أو جاب
مثل بالدرجة المغربية
هههههههههههههههههههه
*****************************

الالم عنوان دائم فى حياتى ولكن عندماأ قتربت من وداعه جاء طوفان جديد أراد اكتساح امالي لكني اقسمت على المواصله ولن اسمح بان يدمرني

صباح الخير عليكم واهلا بيكم معانا من جديد
في البداية بحب اشكر مروي كتير لانها كانت اول مشترك معانا
وكمان بحب اشكر ايمان وخديجه وصديق جو لمشاركتهم وعلي اضا فتهم الرائعه
ونرجع تاني للاصول ولأن اصولنا نابعه من دينا ومن عادتنا وتقاليدنا واللي بتميزنا وبتجعل منا شعب له ثقافته ونكهته الخاصة بية ولاننا الشعب الوحيد اللي بيحترم الاصول واللي عنده اصول لاننا الاصل
وفي زمن قل فية اتباع الاصول
فاحنا من خلال صفحتنا بنحاول نحيها من جديد
و في الضيافه موضوعنا النهارده ولاننا امة مضيافه فاصولنا اتكلمت في كرم الضيافه كتير
والاصول بتقول اكرام الضيف واجب والضيف بيجي برزقة
وبيت الكريم مايخربش
وامثالنا اتكلمت عن الضيافة وقالت :
لاقيني ولا تغديني
وبصله المحب خروف
والضيف اول يوم بدر مدور وتاني يوم فانوس منور وتالت يوم رغيف مقمر
وغيرها كتير
وبتختلف اساليب الضيافه في مصر حسب عوامل كتير زي المكان فالصعايدة ا كرم من بحري والحاله الاقتصادية
فالفقير بيكون ابسط واكرم
ودرجة القرابه والمستوي الاجتماعي للزائر وبعده عن مكان الزيارة و غيرها كتير من العوامل
وتبدأ الضيافه من تقديم المشروب الرسمي الساخن الشاي لحد اقامه العزايم والولايم
وكان اكثر الانبياء سيدنا ابراهيم واحنا امه من اهم سماتها الكرم
وعن الكرم والضيافه اتمني استقبل ردودكم وتفاعلاتكم معانا في موضوعنا
والاصول بتقول ماينفعش تعدي من غير ماتسيب بصمة
واشوفكم علي خير انشالله
نهاركم سعيد

اهلا بيكم من جديد
اصدقائنا الغاليين في الاصول بتقول
النهارده هكلمكوا عن الامثال
الامثال هي عباره عن خبره وحكمة جدودنا اللي صاغوها باسلوب سهل وبسيط وجميل للاجيال اللي بعديهم والامثال موجوده في كل انحاء العالم خاصه الدول صاحبه الحضارات القديمة
ولكل مثل حكاية
ولكل موقف مثل وانا النهارده جايبلكوا شوية امثال يارب تعجبكوا
‏
علي رأي المثل:
من فات قديمه تاه
اللي مالوش خير في اهله مالوش خير في حد
لقمه هنية تكفي ميه
جات العمشه تتكحل بعد مافض السوق
ايش تعمل الماشطه في الوش العكر
لبس البوصه تبقي عروسه احيني النهارده وموتني بكره
اللي في الدست تجيبه المغرفه
والشاطره تغزل بكعب حمار
من رضا بقليله عاش
مد لحافك علي أد رجليك
اللي معاه قرش محيره يجيب حمام ويطيره

واخيرا:
كتكوت في الحله اهزه ولا وزه الشيطان وزها
عصفور في اليد ولا عشره عالشجره
مركب الضراير قامت ومركب السلايف نامت
ياواخد القرد علي ماله يغور المال ويفضل القرد علي حاله
وبشكركم جدا

لا ولا يهمك ده تقريب نص اللي اعرفه
فيه تاني هاكتبهملك في موضوع خاص