صينية فراخ بصلصه الزبادي

اهلا بيكم في صفحه جديدة ومميزة جدا جدا من صفحات مطبخ ميرو
الصفحه دي مميزة لاني بقدمها احتفالا بعودة امل حبيبتي
وكمان اللي هتقدمها ليكم اختي الكبيرة مش انا
هي بتقول انها بتحبكم جدا جدا وهي عرفتكم من كتر كلامي عنكم وهي مبسوطه لان انا ليا اصحاب زيكم بتفدوني في حياتي وبتسلم عليكم
‏
الوصفه:
بنقطع من 2: 3 بصلات متوسطه الحجم وبنتبلهم بتوابل وملح ونقلبهم كويس
بعد كده بندعك الفراخ فيهم ونتركها تتبل معاهم لمده 10 دقايق
بنحضر صينية ونضع بها عصير الطماطم ومعلقتين كبيرة زبادي وزيت الزيتون ونقلبهم جيدا
بعد كده بناخد البصل المتبل ونضعه في الصينية ونقلبه وفي النهاية نضع الفراخ في الصينية وتوضع في الفرن حتي النضج ويحمر سطحها
وبالهنا والشفا
‏_‏__________________
اما الحلو النهاردة فهو عاشورة وهي اكله مصرية كانت بتتعمل احتفالا بيوم عاشوراء يوم مانجي ربنا سيدنا موسي
‏
الطريقه:
بنجيب حبوب قمح ونسلقه في ماء لحد مايستوي
بنصفي القمح
وناخده ونضعه في اناء ونضيف علية لبن بارد وسكر حسب الرغبه وفانيليا وجوزهند وحوالي 2:3 معالق دقيق نشا ونقلبه ونضعه علي النار مع الاستمرار في التقليب حتي يتماسك ويصبح متوسط القوام
يصب في اطباق التقديم ونضعه علي الثلاجه وممكن نضع علي الوجه مكسرات حسب الرغبه وبالهنا والشفا

تسسسسسسسسسسسلم ايدك